ရှိတ်စပီးယား၏ ပြဇာတ်များသည် လူ့လောကဇာတ်လမ်းများ ဖြစ်၏။ ရှိတ်စပီးယား၏ ဇာတ်ကောင်များသည် လူ့လောကဖွဲ့စည်းပုံကို လိုက်၍ လုပ်ရသော နေ့စဉ်အလုပ်များကို စုပေါင်း၍ ထိုဇာတ်ကောင်များသည် ဆိုးသော် ဆိုးရ၏၊ ကောင်းသော် ကောင်းရ၏ တစ်နည်းအားဖြင့် ရှိတ်စပီးယား၏ ပြဇာတ်များမှာ ဘဝနှင့်ဟပ်မိ၊ အင်းကိုက်သော ပြဇာတ်များဖြစ်၏။ ရှိတ်စပီးယားသည် ကောင်းမည်ထင်က ရရာဇာတ်လမ်းကို ယူ၏။ ပြီးမှ ပြကွက်ဆင်ပြီ ဇာတ်ကောင်များကို ဖော်သွား၏။ ထို့ကြောင့် သူ၏ ဇာတ်ကောင်အစများမှာ ယုံတမ်း ထိုးဇာတ်ပမာ ဖြစ်နေသည်ဟုဆိုသော် ဆိုနိုင်ပေသည်။ သို့သော် ဤဇာတ်လမ်း စပုံကြောင့် ရှိတ်စပီးယားကို အပြစ်မပြောနိုင်ချေ။ နောက်ကပြသွားသော အခန်းများ အပေါ်တွင်သာ မူတည်၍ အကျိုးအပြစ် ပြောရပေမည်။