ဒီစာအုပ်မှာ အမျိုးသားရော အမျိုးသမီး အနုပညာသမားဆူဆိုက်ဒါများပါ စုစုပေါင်း ၁၄ ယောက် ထည့်သွင်းပြုစုထားပါတယ်။ အဲန်းဆက်ခ်စ်တန်၊ ဂျွန်ဘယ်ရီမန်း၊ ဆစ်လ်ဗီယာပလာ့သ်၊ မာ့ရ်ခ်ရော့သ်ကို၊ ဗင်းဆင့်ဗန်ဂိုး၊ ဟဲမင်းဝေး၊ ခါဝဘတ၊ မာယာကော့ဖ်စကီး၊ အကုတဂဝ၊ ကက်တ်ကိုဘိန်း၊ ဂျဲနစ္စဂျော့ပလင်၊ မိရှိမ၊ ဂျင်မီဟန်းဒရက်ခ်စ်နဲ့ ဗာဂျီးနီးယားဝုလ်ဖ်တို့ ဖြစ်ပါတယ်။ ဆူဆိုက်အကြောင်းနဲ့ ဆူဆိုက်လုပ်သွားသော အနုပညာသမားများအကြောင်းကို လေ့လာကြည့်တဲ့အခါမှာ ယောကျ်ားနဲ့ မိန်းမဖြစ်စဥ်အရ ပုံသဏ္ဏာန်အနည်းငယ်ကွဲလွဲနေတာကို တွေ့ရပါတယ်။ အမျိုးသမီးများနဲ့ အမျိုးသားများ ပုံသဏ္ဏာန်အရကို ကွဲလွဲနေတာဖြစ်တဲ့အတွက် စိတ်ဓာတ်၊ ခံယူချက်နဲ့ လောကကြီးက သူတို့အပေါ်မှာထားတဲ့ အမြင်များဟာလည်း မတူညီကြပါဘူး။ ဥပမာအားဖြင့် ကျွန်မတို့ မြန်မာနိုင်ငံမှာ လူကြီးတွေပြောလေ့ရှိကြတဲ့ (ယောကျ်ားလေးက ထောင်အပြင် တန်း မရှိပါဘူး။ မိန်းကလေးက မတူဘူး) စသဖြင့် . . .