မိန်းမရွယ်တစ်ယောက် ဘဝမှာ မတော်တဆ ထိမှန်ဖူးသည့် ငှက်တစ်ကောင် ဒမှမဟုတ် မည်သူမျှ မကြုံချင်သည့် အိမ်ထောင်မမြဲ ဖော်ကွဲဘဝ။ သည်ဘဝအပေါ် ပတ်ဝန်းကျင်၏ အမြင်၊ သဘောထားတွေ။ သူနဲ့နီးစပ်ပတ်သက်မိသူ လူပျိုတစ်ယောက် အသိုက်အဝန်းဘက်က မှတ်ချက်များ။ အဓိကတော့ ကာယကံရှင်အမျိုးသား၏ နောက်ဆုတ်နိုးနိုး ရှေ့တိုးခတိခတ် အနေအထားတွေကို မြင်ရပါလိမ့်မည်။ ရိုက်ချက်လွဲခဲ့သည့် ဖလင်တစ်ကွက်ကို အမှောင်ခန်းထဲပြင်ပြီး ဓာတ်ပုံကောင်း မဟုတ်တောင် အတန်အသင့် ပြေပြစ်သည့် ဓာတ်ပုံရနိုင်သည်။ ဘဝတစ်ခုကိုရော ထိုသို့ရနိုင်သည်ပဲဟု ဆိုချင်သည့် စကားများ ဤဝတ္ထုတွင် တွေ့ပါလိမ့်မည်။