တစ်မိသားစုနှင့် တစ်မိသားစု ဘဝလမ်းကြောင်းတစ်ခုကို အတူတူလျှောက်ကြပါစို့ဟု ရွေးချယ်လက်တွဲဖြစ်ရသည့် အကြောင်းရင်းမှာ သာမန်တိုက်တိုင်မှုတစ်ခုတော့ ဘယ်လိုမှ မဖြစ်နိုင်ပါ။ ဘဝအဆက်ဆက်က အတူတူ အိပ်မက်မက်ခဲ့ကြသည့် အိပ်မက်ဖော် အိပ်မက်ဖက်များ ဖြစ်ခဲ့ကြ၍သာ ဖြစ်ပါလိမ့်မည်။ ဘဝအဆက်ဆက်ဆိုတာ ဝေးလွန်းသည်ထား။ သက်သေဖို့ ခက်ခဲလွန်းဦးမည်ထား။ သည်ဘဝမှာတော့ အိပ်မက်တွေက တူခဲ့ကြတာ အသေအချာပဲလေ။ အိပ်မက်ဆိုးတွေ မက်ခဲ့ကြရတုန်းကလည်း အတူတူဆိုရင် ပျော်ရွှင်ကြည်နူးဖွယ်ရာ အိပ်မက်မက်ခွင့်ရရင်လည်း အတူတူပဲ ဖြစ်ရတော့မှာပေါ့။