အေးချမ်းတည်ငြိမ်စွာနဲ့ တိုးပြည်ကို ပြန်လည်တည်ဆောက်မယ့် အချိန်မျိုးမှာ ဒေါင်းက တင့်တင်တယ်တယ်လေး ကနေဖို့လိုသလို တိုက်ပွဲဝင်ရမယ့်အချိန်မျိုးမှာ ခွပ်သင့်လည်း ခွပ်ရပါတယ်။ အဲတော့ ဒေါင်းရဲ့ပင်ကိုအရည်အချင်းတွေက်တော့ လူငယ်တွေအတွက် အင်မတန်အတုယူစရာကောင်းတဲ့အချက်တွေ ပါပါတယ်။ ဒါပေမဲ့ လွန်ခဲ့တဲ့ ၂၈ နှစ်လုံးလုံး လူငယ်တွေရဲ့ဒေါင်းစိတ်ကို ရိုက်ချိုးခံထားရတယ်လို့ ပြောရမှာပဲဖြစ်ပါတယ်။ နောင်လာမယ့် မျိုးဆက်သစ်လူငယ်တွေဟာ ဒေါင်းစိတ်နဲ့မှန်တာကို ရဲရဲရင့်ရင့် ပြောရဲတဲ့လူ၊ မိမိကိုယ်ပိုင်အရည်အသွေးနဲ့ တင့်တယ်တောက်ပချင်တဲ့လူ၊ အမှီသဟဲကို တန်ုဖိုးမထားတက်တဲ့လူ၊ အဲဒီသူရဲ့ လားရာလမ်းကို ကိုယ်မျက်စီရှေ့မှာ မြင်ခဲ့ရတဲ့အခါမှာ ရေသာခိုတဲ့လူ၊ အချောင်သာ လိုက်ချင်တဲ့လူ၊ အင်အားကို အနည်းငယ်သာစိုက်ထုတ်ပြီး အကျိုးအမြတ်ကို ကြီးကြီးကျယ်ကျယ်ရတဲ့လူ၊ မိမိကိုယ်ကျိုးအတွက်ဆို အမှတ်တရားကို စတေးပစ်ဖို့၊ ဂုဏ်သိက္ခာကို စတေးပစ်ဖို့ ဝန်မလေးတဲ့ လူတွေကို အများကြီး ပေါ်ထွက်လာအောင် အားပေးအားမြှောက်သလို ဖြစ်ခဲ့တယ်ဆိုတာ ဘယ်သူမှ မငြင်းနိုင်တဲ့အချက်ပါပဲ။
