သူတို့တွေကို ကြာမျိုးငါးပါးနဲ့ တင့်တယ်တဲ့ ရေကန်နဲ့မက်လုံးပေးပြီး ငါးလိပ်ပုစွန်တို့ရဲ့ သွေးကိုသောက်မယ့် ဗျိုင်းခြေတံရှည်ကြီးတွေအဖြစ်ပဲ မြင်တယ်။ တစ်ခါ ကိုသူရိန်တို့ရဲ့နိုင်ငံတော်ကြီးမှာ ဗျိုင်းလူလည်ကို ကယ်တင်ရှင်အဖြစ်ကိုးကွယ်ပြီး ဗျိုင်းဘက်က ရှေ့နေလိုက်၊ ဗျိုင်းဝိုက်ဆင်နေတဲ့ ညွတ်ကွင်းထောင်ချောက်ကို ကိုယ်ထိလက်ရောက် ဝိုင်းကူဆောက်ပေးနေတဲ့ ငါးတွေ လိပ်တွေကလဲ ရှိနေတယ်။ ကိုသူရိန်တို့အနေနဲ့က ပထမအဆင့်အနေနဲ့ အဲဒီ ငါးတွေ လိပ်တွေရယ်၊ ဗျိုင်းလူသည်ကို နှိမ်နှင်းပယ်ရှားနိုင်မယ့် ပညာရှိပုစွန်မင်းကို ရှာရမယ်။ ဒုတိယအဆင့်အနေနဲ့က ကိုသူရိန်တို့ဟာ ကိုယ့်အားကိုယ်ကိုးပြီး ကြာမျိုးငါးပါးနဲ့တင့်တယ်တဲ့ ရေကန်ကြီးပမာ သာယာစိုပြည်တဲ့ နိုင်ငံတော်ကြီးကို တည်ဆောက်ယူကြရမယ်။