ဤစာအုပ်သည် ဥပဒေရှင်များ၊ ဥပဒေနှင့် အသက်မွေးဝမ်းကျောင်းပြုကြသူများ၊ ဥပဒေပညာ လေ့လာလိုက်စားသူများနှင့် ဥပဒေပညာ စိတ်ဝင်စားသူတိုင်း လက်လွှတ်၍မရသော စာအုပ်ကောင်းတစ်အုပ်ဖြစ်ပါသည်။ ဥပဒေနှင့်ပတ်သက်သည့် အမျိုးမျိုးအပြားပြားသော စာအုပ်များပါရှိသော်လည်း သက်သေခံဥပဒေနှင့် ပတ်သတ်၍မူ မှီငြမ်းကိုးကားနိုင်သော စာအုပ်ကောင်းက အလွန်ရှားပါးသည်။ ထိုလိုအပ်ချက်ကို ဥိးဘိုးသာ(ဗဟိုတရားရုံးရှေ့နေ)က ဖြည့်စွက်ပေးလိုက်ခြင်းဖြစ်သည်။ ဤသက်သေခံဥပဒေစာအုပ်ကို လူတိုင်းနားလည်လွယ်သော အသုံးအနှုန်း၊ အကိုးအကားတို့ဖြင့် အလွယ်ကူဆုံး၊ အရှင်းလင်းဆုံး၊အတိကျဆုံး ရေးသားထားသည်။ ထို့ပြင် မူရင်းသက်သေခံဥပဒေ ပြဌာန်းချက်များကို အင်္ဂလိပ်ဘာသာဖြင့် ထည်သွင်းဖော်ပြထားရာ အင်္ဂလိပ်-မြန်မာ ဘာသာနှစ်ရပ်စလုံးဖြင့် လေ့လာနိုင်ပါသည်။ ဤစာအုပ်ကို အပိုင်းကြီးသုံးပိုင်းခွဲ၍ အခန်းပေါင်း ၁၀ ခန်းဖြင့် မူရင်းပြဌာန်းထားသော သက်သေခံဥပဒေ၊ ယင်း၏ မြန်မာဘာသာပြန်ဆိုချက်မှတ်စုနှင့် ဥပမာများကို အပြည့်အစုံဖော်ပြထားသည်။ မှတ်စုများမှာလည်း ပုဒ်မတစ်ခုစီ၏ အဓိပ္ပာယ်အလိုက် ရှင်းလင်းချက်များနှင့်တကွ သက်ဆိုင်ရာစီရင်ထုံးများကို ပြည့်စုံစွာဖော်ပြထားသည်။ မြန်မာနုင်ငံစီရင်ထုံးများအနက် ဥပဒေပညာတွင် အသုံးဝင်မည့်စီရင်ထုံးများအားလုံးကို ဖော်ပြထားသဖြင့် အထူးအသုံးဝင်ပါသည်။