Annotation
ကလေးဖွံ့ဖြိုးမှုပညာရှင်များရဲ့အလိုအရ ကလေးကို သွန်သင်ဆုံးမရာမှာ ကျိုးကြောင်းပြဆုံးမတတ်တဲ့ မိဘအုပ်ထိန်းမှုပုံစံက အကောင်းဆုံးဖြစ်ကြောင်း လေ့လာတွေ့ရှိရတယ်လို့ ဆိုပါတယ်။ ကလေးကို အလိုလိုက်လွန်းခြင်းဟာ မကောင်း၊ ငယ်ရွယ်စဥ်ကပင် စည်းကမ်းမရှိ အလိုလိုက်ခြင်းဟာ မသင့်။ နောက်ပိုင်းမှာ ထိန်းမနိုင်သိမ်းမရ အပြုအမူများဆီ ဦးတည်သွားစေနိုင်ပါတယ်။ မိဘရဲ့ ကလေးအပေါ် အာဏာရှင်ဆန်စွာ ထိန်းချုပ်ခြင်းဟာလည်း မကောင်း။ နောက်ပိုင်းမှာ ကလေးဟာ ရန်လိုဒေါသကြီးတတ်တဲ့ ကလေးတစ်ဦးဖြစ်သွားနိုင်ပါတယ်။ ဒါကြောင့် သင့်ရဲ့မိဘအုပ်ထိန်းမှုပုံစံကိုလည်း အလိုလိုက်လွန်းတဲ့ မိဘ၊ အာဏာရှင်ဆန်လွန်းတဲ့ မိဘမဖြစ်အောင် ပြုပြင်သင့်ပါတယ်။