လျင်မြန်စွာပြောင်းလဲနေတဲ့ ကမ္ဘာကြီးမှာ အောင်မြင်သူတွေဖြစ်အောင် ကလေးကိုလေ့ကျင့်ပေးရာမှာ အချက်အလက်တွေ အများကြီးသိနေရုံနဲ့ မပြီးတော့ပါ။ ကလေးတွေမှာ စဥ်းစားတတ်တဲ့ ကျွမ်းကျင်မှုတွေ တိုးတက်လာအောင် လေ့ကျင့်ပေးရန် အထူးလိုအပ်လာပါပြီ။ ကြိုကြိုတင်တင် ပြင်ဆင်နိုင်မှု၊ လုပ်ရာရာမှရလာတဲ့ အောင်မြင်မှု၊ တွေ့ကြုံရတဲ့ အခက်အခဲ၊ ရှုံးနိမ့်မှုများအပေါ် ပြန်လည်ထင်ဟပ် သုံးသပ်တတ်မှု၊ အခြားလူတွေရဲ့အမြင်ကို ထည့်သွင်းစဥ်းစားတတ်မှု၊ ဖြစ်ပျက်နေတာတွေဟာ ဘာကြောင့် အဲဒီအတိုင်းဖြစ်နေရတယ်ဆိုတာ ခွဲခြမ်းစိတ်ဖြာ သုံးသပ်တတ်မှုစတဲ့ ကျွမ်းကျင်မှုတွေရှိလာအောင် လေ့ကျင့်ပေးသင့်ပါတယ်။