တကယ်တော့ မိဘတိုင်း မိဘတိုင်းပဲ ကိုယ့်ရဲ့သားသမီးများကို ယဥ်ကျေးစေချင်ကြတယ်။ လိမ္မာစေချင်ကြတယ်။ ယဥ်ကျေးလိမ္မာပြီးတော့ ထူးချွန်ထက်မြက်တဲ့ ကလေးတွေ ဖြစ်စေချင်ကြတယ်။ ဒါ မိဘတိုင်းရဲ့ ဆန္ဒပါ။ ဒါပေမယ့် ကလေးတစ်ယောက်ကို ယဥ်ကျေးလာအောင်၊ လိမ္မာလာအောင် ဆုံးမတဲ့အခါမှာတော့ မိဘတို့ရဲ့ ဆုံးမပုံ ဆုံးမနည်းစနစ် မမှန်ကန်တာကြောင့် ကလေးတို့ဟာ မလိမ္မာ၊ မယဥ်ကျေးဘဲနဲ့ ပိုပြီးတော့ ဆိုးသွမ်းလာကြတာတွေ ရှိပါတယ်။ တချို့ကတော့ လူကြီးရှေ့မှာတော့ လိမ္မာယဥ်ကျေးပါရဲ့။ လူကြီးကွယ်ရာရောက်တာနဲ့ အင်မတန်ဆိုးသွမ်းတဲ့၊ ဟန်ဆောင် လူယဥ်ကျေးလေးတွေ ဖြစ်လာကြပါတယ်။