ကလေးတွေဟာ တိုင်းပြည်အနာဂတ်၊ ကလေးတွေဟာ တိုင်းပြည်ရဲ့ ကြယ်ပါင့်တွေဆိုတဲ့စကားကို ယုံကြည်စွာနဲ့ လက်ခံထားတာလား၊ သူများပြောလို့ ဟန်ဆောင်လိုက်ပြောနေကြတာလားဆိုတာ အလေးအနက် စဥ်းစားဖို့လိုပါပြီ။ ဆယ်စုနှစ်ပေါင်းများစွာ ဖျက်ဆီးခံခဲ့ရတဲ့၊ ပျက်စီးခဲ့ရတဲ့ လူ့အဖွဲ့အစည်းမှာ အမွေကျန်ရစ်ခဲ့တဲ့ အာဂါတ တရားတွေ၊ မုန်းတီးမှုတွေ၊ မနာလိုဝန်တိုမှုတွေ၊ အတ္တကြီးမှုတွေ စတဲ့ မကောင်းမှုတွေကို မျိုးဆက်သစ်ကလေးတွေကို အမွေဆက်မပေးသင့်တော့ပါဘူး။ ခေါက်ရိုးကျိုးနေတဲ့ လူကြီးတွေအနေနဲ့ အနာဂတ်နိုင်ငံတော်သစ်အတွက် မျိုးဆက်သစ်ကလေးတွေအတွက် တစုံတရာ လက်တွေ့လုပ်ပြဖို့လိုပါပြီ။