ကျွန်တော်တို့သည် လူ့အသိုင်းအဝိုင်းနှင့်ကင်းကွာ၍မရသော ဆက်ဆံရေးသတ္တဝါများ ဖြစ်ကြပါသည်။ ရေထဲမှာနေထိုင်သော ငါးတို့သည် ရေ၏ဖိအားကို သတိမထားမိသကဲ့သို့ ဆက်ဆံရေးသတ္တဝါများဖြစ်သော ကျွန်တော်တို့လူသားများသည် တစ်ခါတစ်ရံတွင် လူ့အဖွဲ့အစည်းအတွင်းတွင် နေထိုင်ရမှုကြောင့် ပေါ်ပေါက်လာသော လူမှုဖိအား အခြေအနေများကို သတိမမူမိ၊ လူမှုဖိအားတို့သည် ကောင်းသည့်ဘက်ကို တွန်းပို့ပေးစေနိုင်သလို အဆိုးဘက်သို့ ဆွဲချနိုင်သည်လည်း ရှိတတ်ပါသည်။ ဆက်ဆံရေးစိတ်ပညာကို လေ့လာနားလည်ထားခြင်းက လူတစ်ဦးတစ်ယောက်၏ အပြုအမူ၊ ယုံကြည်ချက်များအပေါ် ကျရောက်နိုင်သည့် လူမှုသြဇာလွှမ်းမိုးမှုတို့ကို နားလည်အသုံးချနိုင်ပါလိမ့်မည်။