ကလေးငယ်တွေဟာ သူတို့ခံစားနေရတဲ့ ဝေဒနာတွေကို လူကြီးတွေလို အသေအချာ ပြောမပြနိုင်ပါဘူး။ ဒါကြောင့် ကလေးတွေမှာအဖြစ်များတဲ့ ရောဂါတွေနဲ့ ရောဂါလက္ခဏာတွေကို လူကြီးမိဘတွေအနေနဲ့ လေ့လာသိရှိထားသင့်ပါတယ်။ ဘယ်ရောဂါလက္ခဏာတွေကဖြင့် အရေးကြီးတယ်၊ ဘယ်ရောဂါလက္ခဏာတွေကတော့ ကလေးငယ်တွေမှာ အဖြစ်များလေ့ရှိတဲ့ သာမန်ရောဂါသာဖြစ်တယ်ဆိုတာကို လူကြီးမိဘတွေသိရှိထားခြင်းဖြင့် ကလေးရဲ့ ကျန်းမာရေးအတွက် များစွာအကျိုးရှိနိုင်ပါတယ်။ မဖြစ်သင့် မဖြစ်ထိုက်တဲ့ အန္တရာယ်တွေကိုလည်း ကြိုတင်တားဆီးကာကွယ်နိုင်မှာ ဖြစ်ပါတယ်။