သူလျှိုဟူသည် သာမန်အမြင်အားဖြင့် လူသားစစ်စစ်သာ ဖြစ်သည်။ သို့သော် သူ့စိတ်နေစိတ်ထားသည် လူသာမန်တို့၏ စိတ်နေစိတ်ထား မဟုတ်။ ထူးခြားလှ၏။ စိတ်ဝင်စားဖွဘ် ကောင်း၏။ မိန်းမသူလျှိုများကား ပို၍ပင်ထူးခြား စိတ်ဝင်စားဖွယ် ကောင်းလှပေသည်။ သူလျှိုအမျိုးမျိုးရှိသည်။ အတန်းအစားအမျိုးမျိုးရှိသည်။ ပိုက်ဆံပေါပေါသုံးရ၍လုပ်သော သူလျှိုမှသည် မျိုးချစ်စိတ်ကိုမူတည်၍ ငွေကိုလုံးဝမမက်ဘဲ တာဝန်သဘောနှင့်ဆောင်ရွက်သော သူလျှိုအထိ အမျိုးမျိုးရှိသည်။ တဖန် ပညာမတတ်သည့် သူလျှိုမှသည် ပါရဂူမြောက် တစ်ဖက်ကမ်းခပ်တတ်မြောက်သည့် ပညာရှိသူလျှိုအထိ အတန်းအစားအမျိုးမျိုး ကွဲပြားလျက်ရှိသည်။