မိမိတို့၏ နှလုံးသည်းပွတ်ပမာ မြတ်နိုးရသော၊ မိမိတို့၏ မျက်စိမျက်ဆန်နှင့်တူသော တိုင်းပြည်၏ အညွန့်အဖူးများဖြစ်ကြသော မိမိတို့၏သားသမီးများကို လိမ္မာစေချင်သောကြောင့်၊ ရည်မွန်စေချင်သောကြောင့်၊ လူတော်ကလေးများ ဖြစ်စေချင်သောကြောင့် နေ့တတိုး ညတတိုးတိုး အမျိုးမျိုးဆုံးမလျက် အရိပ်တကြည့်ကြည့် ကြည့်နေကြရှာသော မိဘတိုင်းနှင့် ကလေးများအတွက် ကလေးစာပေ၏ ဖခင်ကြီး၊ ခေတ်စမ်းစာဆိုအကျော် ဆရာမင်းသုဝဏ်က ဤပုံပြင်များကို လိမ္မာရည်မွန်လာအောင် ကိုယ်နှုတ်နှလုံး သုံးပါးလုံး ယဥ်ကျေးလာအောင် တစိမ့်စိမ့် ပြုပြင်ပေးမည့် စာအုပ်ကောင်း၊ ထို့ပြင် ဤစာအုပ်သည် ကလေးများ၏ စာပေအရေးအသားကိုလည်း ကြီးစွာသော အထောက်အပံ့ ဖြစ်စေမည်။