ခွေးများလိမ္မာယဥ်ပါး၍ သခင်စကားနားထောင်ပြီး လိုက်နာဆောင်ရွက်တတ်စေရန်မှာ ခက်ခက်ခဲခဲမဟုတ်ပေ။ လှုပ်ရှားမှုတိုင်းတွင် သတိထား၍ ဂရုတစိုက်အသံဖြင့် သင်ကြားပေးခြင်းသာ ဖြစ်လေသည်။ မိမိသင်ကြားပေးလိုသော သင်ခန်းစာကိုမူတည်၍ ခွေးတို့အား ရွေးချယ်ရသည်။ ခွေးလိမ္မာအဖြစ် သင်ကြားပေးလိုပါက လိမ္မာယဥ်ကျေး၍ အသိဉာဏ်မြင့်မားသော ခွေးမျိုးရွေးချယ်ခြင်း၊ လုံခြုံရေးအတွက် စိတ်ချစေရန် သင်ကြားပေးလိုပါက ရိုင်းစိုင်းကြမ်းတမ်းသန်မာသော တိုက်မည့်ခိုက်မည့်ခွေး ရွေးချယ်ခြင်း၊ ခွေးလိမ္မာလည်း သုံးချင်၊ လုံခြုံရေးအတွက်လည်း သုံးချင်သည်ဆိုပါက ဘက်စုံသုံး၍ရသော ခွေးမျိုးကိုရွေးချယ်ခြင်းနှင့် အိမ်မွေးအချစ်တော်ခွေးကလေးပဲ မွေးချင်သည်ဆိုပါက ထိန်းသိမ်းရလွယ်ကူသော ခွေးငယ်ကလေးများအား ရွေးချယ်ခြင်း စသည်ဖြင့် ရွေးချယ်မှုကန်ကန်ရန် လိုအပ်သည်။