ဘဝမှာ အောင်မြင်ဖို့ဆိုရင် သားငယ် ပထမဆုံးအာရုံပြုရမှာက ငွေကြေးတွေ၊ အိမ်တွေ၊ မြေတွေ၊ ကားတွေ၊ အခြွေအရံတွေ စတာတွေကို ပိုင်ဆိုင်ရမယ်လို့ မဖြစ်သင့်ပါဘူး။ ငါဟာ အကျင့်စာရိတ္တအားဖြင့် သူများက စံထားရအောင် ကောင်းမွန်သူ၊ ထကြွလုံ့လရှိသူ၊ ပညာတက်သူ၊ ဦးဆောင်နိုင်သူ၊ စည်းကမ်းရှိသူ၊ သတ္တဝါတွေအပေါ် မေတ္တာထားနိုင်သူ စသည်ဖြင့် မိမိဖြစ်လိုရာရွေးပြီး အဲဒီလိုဖြစ်လာဖို့ ပထမဆုံးအာရုံပြုရမယ်။ အဲဒါကို ပန်းတိုင်ထားပြီး ချီတက်လုပ်ကိုင်ရမယ်။