တချို့ကလေးတွေက ဘာရယ်မဟုတ် လက်သည်းကိုက်တဲ့ အကျင့်ရှိပါတယ်။ တချို့ကတော့ လက်သည်းခွာကြတာပေါ့။ ပြင်ပပတ်ဝန်းကျင်မှာ ဘတ်တီးရီးယားပိုးတွေ၊ သန်ကောင်ဥတွေက ရှိတတ်ကြပါတယ်။ မျက်စိနဲ့ မမြင်နိုင်တဲ့ ပိုးမွှားလေးတွေဟာ လက်သည်းကြားတွေမှာ ကပ်နေတတ်ပါတယ်။ လက်သည်းကိုက်နေ၊ ခွာနေတတ်တဲ့ ကလေးတွေအတွက် ပိုးမွှားတွေဟာ ဝမ်းဗိုက်ထဲကို အလွယ်တကူဝင်ရောက်သွားပြီး ဝမ်းနဲ့ပတ်သက်တဲ့ရောဂါတွေ ဖြစ်တတ်ပါတယ်။ အခုစာအုပ်မှာတော့ လက်သည်းကိုက်နေ၊ ခွာနေတဲ့အကျင့်ဟာ ကျန်းမာရေးထိခိုက်စေတဲ့အကြောင်းပုံဖော်ထားပြီး ကလေးတွေကိုဖတ်ပြလိုက်ရင် လက်သည်းကိုက်နေ၊ ခွာနေတဲ့အကျင့်ဟာ အမြန်ဆုံးပျောက်သွားမယ်လို့ ဆန္ဒပြုမိပါတယ်။