သားသမီးမွေးလာပြီးတာနဲ့ ကျွန်မတို့မိဘတွေ အခက်ခဲဆုံးရင်ဆိုင်ရတဲ့အရာက ဆေးကြောက်တတ်တဲ့ ကိုယ့်ရင်သွေးတွေကို ဆေးထိုး၊ ဆေးသောက်လုပ်ခိုင်းရတဲ့ အခြေအနေတွေပါပဲ။ စိတ်ရောကိုယ်ပါ ကျန်းမာပြီး ရောဂါဘယကင်းဝေးစေချင်တဲ့ မိဘတွေရဲ့ဆန္ဒနဲ့ နေမကောင်းဖြစ်တဲ့အခါ၊ ကာကွယ်ဆေးထိုးရတဲ့အခါတို့မှာ ဆေးဆိုတဲ့အသံကြားတာနဲ့ အသည်းအသန်ငြင်းဆန်တတ်တဲ့ ကလေးတွေရဲ့တိုက်ပွဲကလည်း တော်တော်ပြင်းပါတယ်။ ဒီစာအုပ်လေးထဲမှာတော့ ဆေးဆိုတာ လုံးဝကြောက်စရာမကောင်းဘဲ ကျန်းမာဖို့အတွက်၊ ရောဂါတွေကာကွယ်ဖို့အတွက် ဘယ်လိုတိုက်ဖျက်နိုင်သလဲဆိုတဲ့အကြောင်း ကလေးတွေနားဝင်လွယ်မယ့် ပုံပြင်လေးနဲ့ရှင်းပြထားတာမို့ ဆေးကြောက်တတ်တဲ့ ကလေးတိုင်းအတွက် မေမေတို့ဝယ်ဖတ်ပေးသင့်တဲ့ စာအုပ်လေးဖြစ်ကြောင်း ညွှန်ပေးလိုက်ရပါတယ်။