Annotation
"ရဲဘော်ဟောင်း" ဟု ကြားလိုက်ရသည့်အတွက် ရဲဘော်ဟောင်းဖြစ်သော အောင်ဒင်သည် ရင်ထဲတွင် နင့်ကနဲခံစားလိုက်ရလေသည်။ "ကန်ဒီ" စာချုပ်၏ နောက်ပိုင်းတွင် မျိုးချစ်ဗမာ့တပ်မတော်ကြီးသည် ကစင့်ကလျားဖြစ်ကာ တိုင်းပြည်အတွက် ဆက်လက်တာဝန်ထမ်းဆောင်သူက ထမ်းဆောင်၊ ပုလိပ်၏ အဖမ်းအဆီး အညှင်းဆဲခံရသူက ခံရ၊ ဓားပြတိုက်သူကတိုက်၊ အလုပ်လက်မဲ့ဖြစ်ကာ ငတ်မွတ်သူက ငတ်မွတ်၊ ခြေကျိုးလက်ကျိုးနှင့် လမ်းတကာ၌ လှည့်လည်တောင်းရမ်းစားရသူက စားရနှင့် ရှိနေ ဖြစ်နေကြရသည်။