Annotation
ယနေ့ဆိုလျှင် ကျွန်တော်လုပ်ချင်၊ ကိုင်ချင်၊ ရေးချင်စိတ်များ၊ အများကြီးရှိလာပါသည်။ သို့သော် လက်တွေ့လုပ်ကိုင်နိုင်စွမ်း ကျွန်တော့်တွင် လုံလုံလောက်လောက်မရှိတော့ပေ။ ကျွန်တော်၏ဝန်ခံချက်၊ ဖြောင့်ချက်ကို ယခုနိဂုံးပိုင်းတွင် ရေးရပါတော့မည်။ ကျွန်တော့်အနေဖြင့် ခန်းစီးများချထားသော ပြတင်းပေါက်များကို မုန်းသည်။ သုတ်သီးသုတ်ပြာဖြစ်မှုနှင့် ရက်စက်ကြမ်းကြုတ်မှုကိုလည်း မုန်းပါသည်။ နှင်းပွင့်များကိုလည်း ငေးမနေပါ။ ကျွန်တော်အချစ်ဆုံးမျက်နှာကိုသာ မြင်နေပါသည်။ ယခုကျွန်တော်ရေးသော စာအုပ်ထဲမှ စာပိုဒ်များကို ပြန်လည်တည်းဖြတ်ရာတွင် အမုန်းနှင့် မဟုတ်ဘဲ ချစ်မြတ်နိုးစွာဖြင့် ပြန်လည်တည်းဖြတ်ခြင်း ဖြစ်ပါသည်။ ဘဝကို ကျွန်တော်ချစ်၏။ ဘဝကိုနှောင်တမရ။ ဘဝကို မှားလေခြင်းဟု မမြင်။
