Annotation
ငါ့ကို ပြန်ပြီးအပြစ်ကျမယ့် စကားမျိုး၊ ငါ့ကို ပြန်ပြီးထိခိုက်မယ့်စကားမျိုး မပြောမိအောင် သတိထားတယ်။ စကားဝိုင်းမှာ ငါ မပိုင်နိုင်တဲ့ကိစ္စကို ဝင်မပြော၊ ပြောရင်လည်း ရှင်းရှင်းပြတ်ပြတ်ပြောတယ်။ မသိလို့ မေးတာပါ။ မှားရင်ပြင်ပါ ဆိုတာမျိုးလည်း စကားထဲမပါအောင် သတိထားတယ်။ ဆိုလိုတာက "မသိလို့ မေးတာဖြစ်တယ်။ ဖြေချင်မှ ဖြေ၊ မှားပြောမိရင်တော့ ကိုယ့်အမှားကြောင့်ကျရောက်မယ့်ဒဏ်ကို ခံဖို့ပဲရှိတယ်" ဆိုတဲ့ သဘောထားဖြစ်တယ်။ ကောင်းကောင်းပြော၊ ကောင်းတဲ့စကားပဲပြော၊ မှန်တဲ့စကားပဲပြော၊ လိုက်နာနိုင်တဲ့စကားပဲပြော ဆိုတာမျိုးကို သိပ်သတိထားပြီး လိုက်နာပြောဆိုတာတော့ မဟုတ်ပါ။ မှန်တဲ့စကား၊ အကျိုးရှိမယ့်စကား၊ သူများလည်း နားထောင်ချင်မယ့်စကားမျိုး ရွေးပြီး သတိထားပြောတာမျိုးလည်း မဟုတ်ပါ။ ဒါပေမယ့် အခြေခံရိုးသားတဲ့စိတ်နဲ့ ပြောပါတယ်။ ကြိုက်၊ မကြိုက် ဂရုမစိုက်ပါ။