Annotation
လူတိုင်းမှာ တံဆိပ်ကိုယ်စီ ရှိလာကြတယ်။ တချို့က စာရေးစာချီတံဆိပ်၊ တချို့က ကျောင်းဆရာ၊ ဆရာမတံဆိပ်၊ တချို့က ဆရာဝန်၊ အင်ဂျင်နီယာတံဆိပ်၊ တချို့က တရားသူကြီး၊ ရှေ့နေတံဆိပ်၊ တချို့က လူဆိုး၊ သူခိုး၊ ဓားပြတံဆိပ်၊ တချို့ကထောင်မှူး၊ ထောင်ဝါဒါတံဆိပ်၊ ကမ္ဘာပေါ်မှာ တံဆိပ်မရှိတဲ့လူလို့မရှိဘူး။ အဲဒီတံဆိပ်တွေကြောင့် တချို့လူတွေက် ရိုသေလေးစားခံရတယ်။ တချို့ကတော့ ကဲ့ရဲ့နှိမ့်ချခံရတယ်။ နိုင်ငံတစ်ခု အေးချမ်းသာယာပြီး ရာဇဝတ်မှုတွေ ကင်းစင်ဖို့ နိုင်ငံသားတိုင်းရဲ့ စိတ်ဓာတ်ယဉ်ကျေးမှု အဆင့်မြင့်မြင့်ရှိမှ ဖြစ်နိုင်ပါတယ်။ လူသားတွေယဉ်ကျေးအောင် ပြုလုပ်ပေးနိုင်တဲ့ တစ်ခုတည်းသောအရာက စာပေ၊ဂီတ၊ ရုပ်ရှင်၊ဇာတ်သဘင်နဲ့ ပန်းချီ၊ပန်းပု စတဲ့အနုပညာသာဖြစ်တယ်။