Annotation
လွန်ခဲ့သောနှစ်ပေါင်း သန်းပေါင်းများစွာက အလွန်ပူသော ဧရာမကျောက်တုံးကြီးတစ်တုံးသည် နေကို လှည့်ပတ်နေသည်။ ယင်းသည် အလွန်ပူပြင်းနေရာမှ တဖြည်းဖြည်းအေးလာပြီး အပေါ်ယံလွှာတင်းလာသောအခါ ဓာတ်ငွေ့များပန်းထွက်ပြီး လေထဲသို့ရောက်သွားသောအခါ တိမ်နှင့် ရေတို့ ဖြစ်သွားကြသည်။ နောက်ဆုံးတွင် သက်ရှိအရာများ ပေါ်လာသည်။ ကျွန်ုပ်တို့၏ ကမ္ဘာဂြိုဟ် စတင်အသက်ဝင်လာပြီဖြစ်သည်။ ထို့နောက် ကမ္ဘာဂြိုဟ်တွင် သဘာဝရှုခင်းများဖြစ်သည့် တောင်များ၊ သစ်တောကြီးများ၊ ကန္တာရလွင်ပြင်များ၊ မြက်ခင်းများ၊ ပင်လယ်သမုဒ္ဒရာများ ပေါ်ပေါက်လာသည်။ မီးတောင်ပေါက်ကွဲခြင်း၊ ငလျင်လှုပ်ခြင်းနှင့် ဟာရီကိန်းမုန်တိုင်း၊ တိုနာဒိုးမုန်တိုင်းတို့၏ စွမ်းအားများသည်လည်း ကမ္ဘာဂြိုဟ်ဖန်တီးမှုတွင် ပါဝင်သည်။ ယနေ့ ကျွန်ုပ်တို့ကမ္ဘာဂြိုဟ်ကို ပြောင်းလဲစေသာအရာများမှာ လေ၊ ရေနဲ့ ရေခဲတို့ဖြစ်သည်။
